2017, كلمات, البوم, الجديد, انا, انثى, اغاني, زيزي, عادل

كلمات البوم زيزي عادل الجديد انا انثى 2017
كلمات اغانى البوم زيزى عادل 2017 انا انثى



اهلا بكم زوار و اعضاء منتدى مصر سات الأعزاء
اقدم لكم كلمات جميع اغاني البوم زيزي عادل الجديد 2017

يضم الألبوم 12 أغنية جميعها باللهجة المصرية وتعاملت من خلالهم مع الملحن أحمد برازيلي وهيثم نبيل.
وأليكم كلمات أغاني الألبوم كاملة
بحب كل حاجة
كلمات : أحمد عادل الحان : احمد برازيلي
ايه اللى انا فيه ده حاجه جديده اوى عليه لاده اكيد مخلوق ليا ده جالى منين
حاجه غريبه اول مره بتحصلى شكله اكيد متفصلى ده حلم السنين
بحبه لما بيهزر واحبه لما بيكشر
واحب افضل مركزه فيه
واموت فيه لما يتعصب وعشقاه وهو بيطبطب
عليا ويحضنى بايديه
بحب كل حاجه فيه بحب طيبته وغيرته الزايده دى
انا كلى بقيت ملك ليه وبنظره منه بفهم قصده ايه
لو زعلنى قبل مابتعدى ثوانى بلقى ايديه كده حضنانى
باحلى كلام
لو زعلته مش بيقفلى على الواحده بيسبنى لحد ما بهدا وينسى قوام
سبت نفسي ليه
كلمات وألحان : زيزي عادل
لو اقدر اقول اللى انكسر يتصلح
مكنتش يوم ندمت على فات
ومش معقول يجيلى يوم تانى وافرح
والموضوع بالنسبه ليا مات
سبت نفسى ليه مصعبتش عليه
وصعبت على نفسى
بس اللى يضيع واحده هيضيع ميت واحده
ويضيع اكتر لو يقدر
اديتك كل حاجه اديتها غصب عنى
وانت اللى طلبت منى
وندمت انا بعدها
خساره ضيعت عمرى كله فى وقت اتقضى
وبسرعه وعدى …. ومفقتش وقتها
مش هاعمل حساب لحد
كلمات وألحان : زيزي عادل
بتمر سنين وتعدى وبتروح ناس وبتيجى فى حياتى
مش فارقين خالص عندى الموضوع ايسط كالاتى
ما الليله دى انا من الليله دى
هعيش فى حياتى دى على طريقتى مش هعمل حساب لحد
مفيش فى حياتى وجود لعتاب وخلاص نقفلت الباب طب نتعاتب على ايه
فى ايه دا العمر بيجرى قوان وسعات بتفوت ايام مش فاكره انا فيها حصل ايه
يظهرلى حد احب اصاحب اعيش قصه رومانسيه
فجأه كده الاقى فحياتى راجل وبيخنؤها عليه
أنا أنثي
كلمات وألحان : زيزي عادل
نفسى ابطل تفكير فيه جربت لكن مقدرتش
نفسى اقوله على انا فيه حاولت مره ومعرفتش
نفسى نرجع واعيش معاه وجوه حضنه اداره فيه
عمرى ماحسيت ان انا انثى غير وانا معاه
وهعيش واقابل وانا لسه بحلم بلقاه
وهموت وابطل تفكير فيه
حياتى وقفت وانا سيباه طب لما يبعد كان قلبى
مقدرش اشوفه وواحده معاه مش عارفه اللى هيحصلى
كفياك
كلمات وألحان : زيزي عادل
كفاياك من الكلام ده ماخلاص وصلنا للنهايه
منا اصلى من النهارده مبقاش بيفرق معايا
طول عمرى وانا كاتمه ساكته يمكن تحس يهوايا
ولقيت منك مفيش فايده وفهمتك مالبدايه
اصلك عمرك معرفتش تحب مش عايزه احبك كفايه
سهرتنى وياك انا من غير غرام
وتعبتنى ومعاك انا مش حاسه بامان
جننتنى ياحبيبى بينلى اى اهتمام
ملقتش فيك ولا حاجه بتقربنى ليك
ومشاعرى اهه ماهو يوم معاك ويوم عليك
مازال البحث جاري
كلمات والحان : احمد برازيلي
ومازال البحث جارى عنه ومش لقياه
مش قادره خلاص ادارى انى هموت وابقى معاه
لا اعلم اين هو حد يدورلى عليه
حد يجبهولى بالقوه واديلو ميت الف جنيه
حد يوصلو ان نفسيتى متبهدله اوى حالتى تخض
ده بقالى اسبوع بحاله عمال اكلمه ليه مش بيرد
وانا حالتى اسوأ فى اسوأ وحياتى كلها مش ولا بد
ماذا يحدث ليك ياقلبى دانت من غيره بتضيع
اعصابى تعبت بالعربى واتلخبطت المواضيع
شكل كده الآيه انقلبت بعد ما كنت انا تعباه
عمرها دى بجد ما حصلت يبعد وانا اجرى وراه
عيوبه كتير
كلمات وألحان : زيزي عادل
وانا ليه باسمع كلامك طب وانا ليه راضيه وعشانك
بتغير حتى فى شخصيتى
وانا ايه يخلينى اكمل وعشان ايه اقدر اتحمل
ميه حاجه واتعب نفسيتى
عيوبه كتير محستش انا بيها وكان تمثيل
ومقدرتش اواجهوا بس فرق كبير
ظهر لى شخص كان جواه
مخدتش بالى وكل الناس قالتلى ده مشاكله كتير
ومسمعتش انا منهم بعند كبير
واحساسى انا عايزاه
بندم على كل ثانيه فى عمرى معاه انا كنت عاميه
واحساسى غلط المره دى
طلعته انا من حياتى ومش عايزاه تانى فى حياتى
ووجوده بقى زى عدمه عادى
أنا جاية
كلمات : اسامة محرز ألحان : هيثم نبيل
انا جايه هخلى عنيك دلوقتى تشوف
انسانه بتعرف تقسى وتكدب اكتر منك
فعنيها غرورها ونسيت كلمه خوف
وتعلم قلبها كل عيوبك اكتر منك
ماخلاص دلوقتى زيك انانيه وليها اللى يفيدها
والظلم خلاص مالى عنيها وياويله اللى يقرب منها
ادى الانسانه اللى فى يوم كانت ليك
وادى اللى الناس كانت حسداك علشان جمالها
من كتر ماتعبت منك وعلى ايديك
تاه من ملامحها حنانها طيبتها مات قلبها
أنا مبسوطة
كلمات والحان : زيزي عادل
انا مبسوطه اوى كده ليه كل ماعينى تيجى فى عينيه
بسرح خالص وبدوب فيه
شدتنى عينيه مش عارفه انا ليه
مش عارفه اللى بيحصلى ده ايه ايه
انا مبسوطه اوى كده ليه
احساسى لما الشوق يناديه
وقلبى يشوفو يطير عليه
بشوف كلام كتير فى عينيه
مكان مايروح يلاقينى وراه
انا عايزه اكمل عمرى معاه
احساس غريب وحاسه انا بيه
انا مبسوطه اوى كده ليه
مستغربة
كلمات السيد علي الحان أحمد برازيلي
مستغربه بقى فى برود بالشكل ده
وجاى تسيبنى وتمشى بعد كل ده
انا كنت فاكره انى معاك وبيك هعيش
مشيت وراك خلاص ومهمنيش
خبيت املى خلاص مفيش
مفيش منك رجا مبسوط
بقى جاى تقوللى بعد الفتره دى كلها نبقى اصحاب
وكمان بتقولها بكل هدوء وبرود يا عالاعصاب
ماهو اضى ارحم من اضى دنا كنت عايشه معاك متهدده
متوضبه حكايتك اكيد مترتبه
تعبت مالتفكير دى حاجه متعبه
قصر الكلام تبقى على ابقى عليك
دلوقتى ولا فيه لزمه ليك
مش سبتنى اضيعى من اديك
فكرك هعيش متعذبه
أنت اللي بدور عليه
كلمات وألحان : زيزي عادل
انت اللى بدور عليه انا من زمان
انت اللى انا شفت فعنيه سنين قدام
انت اللى مليت خليت لحياتى لون تانى
هتفوت سنه ووراها سنه التانيه
ومش عايزه انا حاجه تانى مالدنيا
غيرك انت يا حبيبى
بستنى اليوم ده يجى من وقتها
ابقى فى حضنك قصاد الدنيا كلها
وهقول ده حبيبى وكل الدنيا سمعانى
شايلاهالك
جيتلى ف ايام كان فعلا كل الدنيا اتخلت عنى
مديتلى ايديك وقت اما الكل كان بيبع
من غير كلام لقيتك انت لوحدك واقف جنبى
شديتنى ليك من غيرك كان ممكن اضيع
شايلاهالك طول عمرى افضل عيشالك
انا محتجالك ان ابقى ليك
هتصدقنى من نفسى انت اقربلى
واكتر من راجلى يتقال ايه فيك
كنت صوتي لما كنت باتكلم معاك
مسبتنيش ضعيفة انت قويتني بهواك
كنت تايهة عن طريقي انت رجعتني
واما يأست من حياتي انت فوقتني
شيلاهالك طول عمري افضل عيشالك
انا محتاجالك اني ابقى ليك
هتصدقني من نفسي انت اقرب لي
واكتر من راجلي يتقال ايه فيك
روحي كانت رايحه مني انت رجعتها
كل حاجة وحشة فيا انت صلحتها
حياتي نهايتها لما تبعد عنها
شيلاهالك طول عمري افضل عيشالك
انا محتاجالك اني ابقى ليك
هتصدقني من نفسي انت اقرب لي
واكتر من راجلي يتقال ايه فيك


احدث المواضيع:


المصدر:مصر سات منتديات مصر سات - من قسم: كلمات الاغاني 2017


;glhj hyhkd hgf,l .d.d uh]g hg[]d] hkh hken 2017